【本報訊】比特（Mike）推出新單曲《奔跑吧！》，一改慘情形象，以熱血模式鼓勵大家向夢想衝刺。Mike直言今次唱搖滾可以將內心壓力一次過釋放出來，感覺一個字「爽」！
MV邀請「試當真」陳苡臻（Jessica）擔任女主角，Mike事前非常期待今次合作，他一向有留意對方拍攝的網片，今次主動向公司提議女主角人選邀請Jessica，實行向自己大派福利。二人在大熱天時拍攝MV，由早上8時跑到晚上7點，Mike直呼跑到腳趾痛！
《奔跑吧！》除由郭偉亮（Eric Kwok）監製歌曲，今次亦兼任MV導演，不時親身落場作動作指導。Mike自言拍MV一個比一個艱辛：「第一首歌MV被人打，被遺棄在狗籠；第二首歌撞車，救人時有𠝹傷手戲份；今次跑步辛苦，還跌傷！」其中一場戲Mike需要跨越障礙物時，不憤跌落石屎地，雙手流血受傷。另一場戲更被木頭等硬物擊中雙手，前臂受傷腫起需即時敷冰處理，幸好照X光後確認傷勢無大礙。Mike拍攝後接受訪問笑言：「真係好痛！呢個MV更值得睇！」
