方力申被指靚仔大隻多女友

【本報訊】41歲方力申單身5年，雖然不時有緋聞傳出，但他都否認，並稱恨拍拖，自認失敗。近日有報道拍到他跟一名長髮女子前往祈福；方力申昨晚在社交網透露收到好多恭賀，說他拜得神多真的有神庇佑，新一年便搵到長髮美女。他多謝大家關心，澄清該長髮女子是他好朋友的太太。他分享與一對男女遮樣的合照，稱當日大家排排坐、念念經，全晚無同阿嫂講多過兩句，「唔使咁緊張話我有緋聞啩？ #邊有咁多花生食」。好友何雁詩留言笑他：「唯一真嘅係dry咗好多年。」
方力申昨日上載自己身在廁格的照片，透露日前有兩名陌生男士跟他談游水，包括慈善環島泳及游10公里。方力申其後上廁所，兩男亦到洗手間，但不知他在廁格。兩人讚他游水勁、體能好又靚仔，還能言善道，必定很多女友，兩男說：「仲要唔結婚喎，佢一定食唔少，不過有樣嘢佢一定唔使食，就係偉哥喇，體能好又大大隻隻咁！」方力申當時沒露面，稱以前很介意別人誤解他為人，現在明白大家不是同一類人或者不同諗法，所以不用不開心。