【本報訊】古天樂（古仔）、林峯、宣萱、滕麗名及郭羨妮主演的電影《尋秦記》，10日晚於尖沙咀舉行慶功宴。當晚除了一眾《尋秦記》主要演員出席外，還有張繼聰、雪兒、蔡一智、苗僑偉（三哥）、洪天明、朱鑑然、雪梨、余香凝，連已離開娛樂圈的「三弟」劉嘉龍亦有驚喜現身。久未露面的雪兒表示今次回來見到多位老朋友當然開心，見到項大哥（古天樂）自己依然會忍不住笑，又表示有機會都想拍搞笑片。
古仔、宣萱及雪兒一起受訪，古仔指電影加長版終於推出感到高興，問到為何選在情人節上映，他說：「電影係圍繞唔同嘅情，親情、友情、師徒情，我覺得情人節都適合大家齊齊去睇。」至於他首張個人精選專輯《天命最高 BACK TO THE PAST》亦於當日推出，相隔多年再次出碟感受？他高興地說：「今次出埋黑膠，好有珍藏價值，真係好耐冇出過碟，多謝《尋秦記》！」香港電影金像獎頒獎典禮前日公布入圍名單，古仔分別憑主演的《尋秦記》及《私家偵探》入圍「最佳男主角」，古仔高興地說：「入圍已經係一個肯定，兩部作品入圍係雙倍開心，我對自己演出嘅電影都有信心，但最開心係滕麗名憑《尋秦記》入圍『最佳女配角』，當然睇好佢！」滕麗名談到入圍「最佳女配角」，她感謝老闆古天樂將她由電視圈帶到電影界，並說：「有提名當贏咗，真係好開心，最緊要係團隊、最緊要收得，票房好！」洪天明的爸爸洪金寶亦憑該片入圍「最佳動作設計」，天明表示替爸爸高興，而其父是平常心面對。此外，天明表示情人節當天會帶同仔仔和太太入場支持加長版。郭羨妮則表示加長版上映當日不在港，會跟丈夫及女兒回丈夫家鄉河南過農曆年：「買咗好多手信，同埋《尋秦記》嘅紀念品。」滕麗名表示仍未找張繼聰為《尋秦記》角色珍藏卡簽名，笑言當晚一定要捉住對方。記者提到她可順便相約入圍「最佳男主角」的張繼聰一起為頒獎禮選戰衣，洪天明即搞笑稱可約埋爸爸洪金寶一起去。
