目錄

鄭伊健倫敦騷歌迷熱情不減被感動

【本報訊】鄭伊健「HERE & NOW EKIN IN CONCERT 2024 LONDON」日前在英國倫敦Eventim Apollo舉行,歌迷反應熱烈下兩度Encore,伊健感動得3度唱到眼濕濕,唱《我的歌》時更強忍淚水繼續唱。小師妹黃淑蔓(Feanna)冧莊隨團為師兄伊健擔任表演嘉賓及樂隊和音。

今次巡唱倫敦站恍如「大型K房現場」,無論伊健唱冧歌還是快歌,全場觀眾都熱情地揮動燈牌大合唱,用手機燈營造星海,甚至湧到台前握手,非常投入,就連Feanna唱伊健出道檸檬茶廣告歌時都跟住唱,伊健見狀即興重演廣告情節和經典對白,令台下尖叫聲不斷。適逢開騷當日舉行歐洲國家盃賽事,伊健說:「我第一次來英國開騷,好難得,多謝你哋選擇唔睇波,嚟睇我演唱會。」

當伊健唱到2009年發表的作品《新歌》時,重提當時遇到的低潮期:「當時的我好迷茫,陳光榮話寫隻歌畀我,叫做《新歌》。當年我睇歌詞問點解,點樣『新嘅我』?嗰陣時理解能力有限。但今日攞返首歌出嚟,我同陳光榮講:『嘩,原來呢首歌唔係講我喎,係講一個人生。』」伊健被歌詞感動到眼濕濕。他說:「做人要開心啲!」隨後舞蹈員帶埋幾袋Crew Tee「手信」出場,與伊健一齊拋入觀眾席,全場興奮站起來,非常熱鬧。

完場後歌迷不散場,狂叫Encore後伊健再度出場,他唱《動地驚天愛戀過》時看到台下歌迷全部站起來,揮動手機燈,又再眼濕濕更一度哽咽,觀眾用歡呼聲和掌聲為他打氣。他說:「我的演唱會有個特點,就係希望大家開心,所以點都要加多隻歌。希望大家記得我哋今日聚過,後會有期。」以《你的我》為巡唱倫敦站畫上完美句號。

分享 / Share :

Breaking News

Related news

Enable Notifications OK No thanks