譚旻萱計劃7年後結婚生仔

【本報訊】譚旻萱（Mandy）、吳保錡、林子善昨日到旺角出席運動品牌活動。林子善自嘲身形不夠高，跟Mandy和保錡合照時刻意屹高腳，場面搞笑。Mandy表示日常喜歡跑步運動喼弗，但導演男友喜愛留家看電影和睇書，所以現在培養個人運動習慣，笑言夜間到戶外跑步也貪靚戴黑超，但都會注意安全，避免跑到陰暗處。她日前上載手抱鮮花的照片，惹揣測男友求婚，她笑說：「束花自己買的，因喜歡插花點綴家居。今年23歲，先努力工作，希望30歲才結婚生仔，都喜歡小朋友的。」她提到右手大塊瘀傷，是跳舞時撞傷，「最近學武，為拍動作片做準備，被取笑學功夫反而沒受傷」。

保錡談到少年時曾當足球員，但自覺天分不足轉做售貨員，直至19歲追夢，才參加藝員訓練班入行，由做茄哩啡開始涯出頭，近年又愛上跑步鍛煉體格和腦筋，希望裝備好自己，應付稍後的奧運節目主持工作，「上屆有幸參與過奧運節目，但覺得表現不理想，公司今年再畀機會我做奧運，一定會珍惜，多做功課及睇資料，務求講資訊時更精準，同埋香港運動員參加奧運好難得，我覺得要畀多啲尊重，少一點批評」。